.. bR^ihaspatikavacham ..

shrIgaNeshAya namaH |
asya shrIbR^ihaspatikavachastotramantrasya Ishvara R^iShiH\,
anuShTup chhandaH\, gururdevatA\, gaM bIjaM\, shrIshaktiH\,
klIM kIlakaM\, guruprItyarthaM jape viniyogaH |

abhIShTaphaladaM devaM sarvaj~naM surapUjitam |
akShamAlAdharaM shAntaM praNamAmi bR^ihaspatim || 1||

bR^ihaspatiH shiraH pAtu lalATaM pAtu me guruH |
karNau suraguruH pAtu netre me.abhIShTadAyakaH || 2||

jihvAM pAtu surAchAryo nAsAM me vedapAragaH |
mukhaM me pAtu sarvaj~no kaNThaM me devatAguruH || 3||

bhujAvA~NgirasaH pAtu karau pAtu shubhapradaH |
stanau me pAtu vAgIshaH kukShiM me shubhalakShaNaH || 4||

nAbhiM devaguruH pAtu madhyaM pAtu sukhapradaH |
kaTiM pAtu jagadvandya UrU me pAtu vAkpatiH || 5||

jAnuja~Nghe surAchAryo pAdau vishvAtmakastathA |
anyAni yAni chA~NgAni rakShenme sarvato guruH || 6||

ityetatkavachaM divyaM trisandhyaM yaH paThennaraH |
sarvAnkAmAnavApnoti sarvatra vijayI bhavet || 7||

|| iti shrIbrahmayAmaloktaM bR^ihaspatikavachaM sampUrNam ||

##
Encoded and Proofread by Ravin Bhalekar ravibhalekar@hotmail.com ##