.. ketukavacham .. 

shrIgaNeshAya namaH |

ketuM karAlavadanaM chitravarNaM kirITinam |
praNamAmi sadA ketuM dhvajAkAraM graheshvaram || 1||

chitravarNaH shiraH pAtu bhAlaM dhUmrasamadyutiH |
pAtu netre pi~NgalAkShaH shrutI me raktalochanaH || 2||

ghrANaM pAtu suvarNAbhashchibukaM si.nhikAsutaH |
pAtu kaNThaM cha me ketuH skandhau pAtu grahAdhipaH || 3||

hastau pAtu surashreShThaH kukShiM pAtu mahAgrahaH |
si.nhAsanaH kaTiM pAtu madhyaM pAtu mahAsuraH || 4||

UrU pAtu mahAshIrSho jAnunI me.atikopanaH |
pAtu pAdau cha me krUraH sarvA~NgaM narapi~NgalaH || 5||

ya idaM kavachaM divyaM sarvarogavinAshanam |
sarvashatruvinAshaM cha dhAraNAdvijayI bhavet || 6||

|| iti shrIbrahmANDapurANe ketukavachaM sampUrNam ||

##
Encoded and Proofread by Ravin Bhalekar ravibhalekar@hotmail.com