| "Buonuvinutu sia s'Altoparlanti" M’arricuordu ca nannama, stumprima, tinia nu crivu apposta p’a granima: nun era, mo ci vo’, d’oru culatu, a malia a pena di fiarru filatu, ma nun c’era spagliocca ca riia, a ru crivu fatatu ‘i nanna mia. Jttavadi a scagliuzza affraiatizza, scartava petri, struppi, iuagli e vizza e, cu na sula bona riminata, ti vidiasi ‘a Maiorca sardiata. Du’ crivu mi ni sugnu arricurdatu mo’ c’aiu vistu ca s’è risbigliatu s’ALTOPARLANTI, natu pi cantà pampani a destra, a manca, i ca’ e di drà e j diciennu bellu, chiaru e tunnu ca non c’è postu ormai p’i gabbamunnu. ‘ a Scarogna l’ha ntisu e chi t’ha fattu? Mort’ammazzata, cu ‘ru pedi chiattu, s’è misa a zampià supr’a trummetta ed ha sgardatu ‘a spola d’a linguetta. Su giurnali è currutu a ru riparu, ma, di tannu, è ncignatu u tiempu amaru: |
mo’ mancavadi ‘u mastru patintatu, mo’ l’azzaru o l’amiantu platinatu, mo’ spuntava na scosta o nu scasuni ca s’era rutta ‘a molla d’u buttuni… C’è vuluta a pazienza d’Oscarinu, p’aspittà ca cangissadi ‘u distinu. Chi vodi ‘a grazia ‘i Diu, un avissi fretta: s’è truvatu u rimedio d’a trummetta e ch’è successu? – Cu ‘nu colpu ‘i lima s’è misa ‘a postu, chiù sgardienti ‘i prima. E’ natu n’atra vota su giurnali e si prisenta già cu nu gangali!… Buonuvinutu sia s’ALTOPARLANTI e putissi campà tant’anni e tanti. Ad OSCARINU damu ‘u Bonturnatu, A Santinu Fasanu c’ha stampatu e si vulimu c'ha da j chiù avanti, pruimuci ‘na manu tutti quanti. Pi ci ‘a dunà, ‘ni vasta nu momentu: Jamu a ‘ra posta a fa n’abbonamentu! (Pi ci 'a dunà vi basta nu mumentu: a 'ru computer a fa' u collegamentu!) |
